දරුවන් ජිවත් කරවන්නට ගස් නගින අම්මා

කුඩා දරුවන් පස්දෙනෙකු ජීවත්කරවීම සඳහා පොල් කඩන අම්මා කෙනෙකු ලෝක මව්වරුන්ගේ දිනය දා දඹුල්ල හබරත්තාවල ප්‍රදේශයේ දී අපට හමු විණි. ගමේ කොස් ගෙඩියක් කඩා තම්බා දරුවන්ට කන්නට දී දරු සම්පත ට ඇති ආදරය නිසා තවත් දරුවන් මෙලොවට බිහි කිරීම ඇයගේ එකම අරමුණ බව ඇය සතුටින් පවසන්නීය. නැති බැරිකම අගහිඟකම දරුවන් හැදීමට බාධාවක් වුවද එම බාධාවන් ජය ගෙන දරු සෙනෙහස නිසාම තමන් දරුවන් 50 උවත් හැදීමට සූදානමින් සිටින බව මෙම මව පවසන්නීය. මෙම අපූරු අම්මා සොයාගෙන අප දඹුල්ල හබරත්තාවල ප්‍රරදේශයට ගියෙමු. ඇය නමින් නිලුෂා සඳමාලි (29 ) ඇයගේ සැමියා ප්‍රදීප් සම්පත් අබේකෝන් (35) ඔහු යුද හමුදාවේ සේවය කළ අයෙකි . පසුව වෙඩි වැදීමකින් ආබාධිත තත්වයට පත්ව යුද හමුදාව අතහැර ගොස් සිටින අයෙකි.

මෙම දෙපලට දරුවන් පස් දෙනෙකු මේ වනවිට සිටිති. වැඩිමහල් දියණිය නෙත්මි kaushalya අවුරුදු 12 , සවනි අප්සරා වයස අවුරුදු 11කි. විහග ජීවන්ත 06 ඉමේෂා මදුමාලි වයස අවුරුදු තුනහමාරකි. සසිඳු සම්පත් වයස අවුරුදු දෙකහමාරකි. දරුවන් තිදෙනකු පාසැල් වයසේ පසුවන අතර එක් දරුවෙකු පෙර පාසල් වියේ පසුවෙයි. අනිත් දරුවා තවමත් මවගේ කිරි උරාබොන පුංචි දරුවෙකි . කුලී වැඩක් කරමින් ඊට අමතරව තම ගම්මානයෙ පොල් ගස් වලට නැග පොල් කඩා ලබාගන්නා මුදලින් ඇය වේලක් හැර වේලක් තම දරුවන්ට කුස පිරවීම සිදු කරන බව ඇය පැවසුවාය. ආබාධිතව සිටින තම සැමියාට නිසියාකාර වැඩක් කර ගැනීමට නොහැකි නිසා ඔහු අවට පදිංචිකරුවන් ගේ සහාය ඇතිව දඹුලූ ඔයේ වැලි ගොඩ දැමීම සඳහා යන බව ඇය පැවසුවාය. එහෙත් මේ දිනවල යුද හමුදාවෙන් පලා ආ චෝදනාව යටතේ තම සැමියා යුධ හමුදා භාරයට ගෙන රැගෙන ගොස් තිබෙන බව ඇය කීවාය.

එම නිසා මේ දිනවල නිලුෂා සඳමාලිට දරුවන් රැකබලා ගැනීමත් කුලී වැඩ කිරීමත් සියල්ල පැවරී තිබේ. කටුමැටි ගැසූ කුඩා නිවසක කුප්පි ලාම්පු එළියෙන් මෙම දරුවන් සමඟ වේලක් හැර වේලක් ආහාර ගන්නා බව මෙම දිරිය මාතාව පැවසුවාය. තමන්ට ජීවත්වීම සඳහා ඕනෑම දුකක් විඳීමට හැකි බවත් උතුරා යන දරු සෙනෙහස නිසා ඕනෑතරම් දරුවන් දායාද කිරීමට තමන් සූදානම් බවද ඇය පැවසුවාය. තමන්ට ප්‍රශ්නය බවට පත්ව ඇත්තේ දරුවන්ට ආහාර පාන සොයා දීම නිදාගැනීමට නිවසක් අහිමි වීම සහ අධ්‍යාපනයට පහසුකම් ලබාදීමට නොහැකිවීම බව ඇය කීවාය. දරුවන්ට කිසියම් පිරිසක් හෝ කවුරුන් විසින් ම අවශ්‍යතා සපුරා දීමට හැකියාව ඇත්නම් තමාට දරුවන් 50 වුවද දායාද කිරීමට ශක්තිය ඇති බව ඇය සතුටින් සඳහන් කළේ මව් සෙනෙහස උතුරා යන දයාවෙනි.

මෙම මවට දරුවන්ට කාගේ හෝ උපකාරයක් ලබා දීමට හැකි නම් එය ජාතියේ යුතුකමකි. ඔවුන්ගේ ලිපිනය වන්නේ ආර් .එම් .නිලුෂා සඳමාලි, දඹුලු හල්මිල්ලෑව , හබරත්තාවල දඹුල්ල. මෙම අය සම්බන්ධ කර ගැනීමට ඔවුන්ට අඩුම තරමේ දුරකථනයක් නොමැත. එමෙන්ම බැංකු ගිණුමක්ද නොමැත. (දඹුල්ල කාංචන කුමාර ආරියදාස 0773416157)

ඩෙන්මාර්කයේ ධනවත්ම පුද්ගලයා

ඩෙන්මාර්කයේ ධනවත්ම පුද්ගලයා ලෙසින් සැලකෙන ඇන්ඩර්ස් හොල්ච් පොව්ල්සන් මහතාගේ දරුවන් සිව්දෙනා අතරින් ෂැන්ග්‍රිලා හෝටලයට එල්ල වූ ත්‍රස්ත ප්‍රහාරයෙන් මිය ගිය තිදෙනාගේ මෘත ශරීර විශේෂ ගුවන් යානයක් මඟින් ඩෙන්මාර්කයට ගෙන යනු ලැබුවේ පසුගිය 26 වැනි දිනයි.

මෙම මරාගෙන මැරෙන ප්‍රහාරයෙන් මියගොස් තිබුණේ ඔහුගේ දියණියන් තිදෙනාගෙන් වැඩිමහල් දියණියන් දෙදෙනා සහ බාලම පුතණුවන්, පොව්ල්සන් මහතාගේ බිරිඳ හා තෙවැනි දියණිය එම ප්‍රහාරයෙන් දිවි බේරාගන්නට සමත්ව තිබුණා.

බ්‍රිතාන්‍යයේ ඉඩම් වැඩිම ප්‍රමාණයක් හිමි පුද්ගලයා ලෙස සැළකෙන ඩෙන්මාර්කයේ වංශාධිපතියෙකු වන ඇන්ඩර්ස් හොල්ච් පොව්ල්සන් ඔහුගේ බිරිඳ සහ දරුවන් සිව්දෙනා සංචාරයක් සඳහා මෙරටට පැමිණ සිටිය දී මෙම දරු තිදෙනා මෙම අනතුරට ගොදුරු වුණා.

අනතුර සිදුවන්නට දින කීපයකට පෙර වැඩිමහල් දියණිය වන අල්මා විසින් අනෙකුත් දරුවන් තිදෙනා ශ්‍රී ලංකාවේ පිහිනුම් තටාකයක් ඉදිරියේ සිටින ජායාරූපයක් ඇගේ සමාජ ජාල අඩවියකට මුදාහැර තිබුණා

ඩෙන්මාර්කයේ සෑම දෙසින්ම ඔවුන්ගේ නිවසට මල් සහ ශෝක ප්‍රකාශ ගලා එන්නට වුණා, මේ අතර, ඇන්ඩර්ස් හොල්ච් පොව්ල්සන් මහතාගේ දරුවන් තිදෙනාගේ අවමංගල්‍ය උත්සවය ඊයේ දිනයේදී රාජ්‍ය ගෞරව ද සහිතව එරටදී පවත්වා තිබෙනවා.

රාජකීය පවුල සමඟ ද සමීප සම්බන්ධකම් පැවැත්වූ ප්‍රකෝටිපතියාගේ දරුවන් තිදෙනාගේ මෙම ශෝකජනක අවස්ථාව වෙනුවෙන් එරට අග්‍රාමාත්‍යවරයා වන Lars Lokke Rasmussen මහතාද සහභාගි වී ඇති බව විදෙස් මාධ්‍ය වාර්තා කරනවා.

පසුගිය දිනෙක පොව්ල්සන් මහතා සිය පවුල වෙනුවෙන් තමන්ට උදව් උපකාර කළ සහ තම දරුවන් වෙනුවෙන් ශෝකය පළ කළ සියලු දෙනාට “ස්තුතියි” කියන්නට ද අමතක කළේ නැහැ. මේ සඳහා එරට අග්‍රාමත්‍යවරයා මෙන්ම රාජකීය පවුලේ සෙසු සාමාජිකයින්ද සහභාගී වී තිබෙනවා

දරු තිදෙනාගේ අවමංගල්‍ය උත්සවයේ ජායාරූප පහතින්

දරුවන් 17 දෙනකු බිහි කළ රංගිනාච්චිරේ අම්මා

“වැලක ගෙඩි කොච්චර තිබුණත්, ඒ වැලට බර නැහැ” කියන ජන වහරේ තිබෙන අපූරු කියමන කොතරම් අපූරුවට ගැළපෙන්නේ ද යැයි පසක් කර ගන්නට හැකි වූයේ දරුවන් දාහත් දෙනෙකු මෙලොවට බිහි කළ අවුරුදු 112ක වයසේ පසුවන මවක සමග කතා කරන්නට අවස්ථාවක් ලැබීමෙන් පසුවය ”රංගිනාච්චිරේ” නමින් හඳුන්වන ඇය කුරුණෑගල, වැල්ලව බුදනාපිටිය ප්‍රදේශයේ තම සිව් වෙනි දියණිය වන උක්කු අම්මාගේ නිවසෙහි සිටිය දී අප සමග කතා බහ කරන්නට එක් වූවාය කුරුණෑගල දිස්ත්‍රික්කයේ වයස්ගතම කාන්තාව සොයා ගිය අපිට “දිරිය කතට දිරිය මගක්” සංවිධානයේ සභාපතිනි කුරුණෑගල නාගරික මන්ත්‍රීනි විශාකා අබේසිංහ මහත්මිය ඇය පිළිබඳව තොරතුරු අනාවරණය කළා ය ඇය කියා සිටින්නේ දැනට ලංකාවේම වයස් ගත කාන්තාව මැය විය හැකි බවය

ගැහැනු දරුවන් දහයක් (10) සහ පිරිමි දරුවන් හත් දෙනෙකු (07) මෙලොවට බිහිකළ ඇය, තවමත් දරුවන් පිළිබඳව සිහි කරමින් කඳුළු සලන්නීය ඊට හේතුව, තවමත් පිරිමි දරුවන් දෙදෙනෙකු කසාද නොබැඳ සිටීමත්, ඉන් එක් අයෙකු යම් රෝගයකින් පෙළීම නිසාත්ය ඇය විටින් විට වාරියපොළ තම මහගෙදරට ගොස් ඔහුට කෑම උයා පිහා දෙන්නීය උප්පැන්න සහතිකයක්, හැඳුනුම්පතක් සහ උපන් වර්ෂයක් හරියටම නොදන්නා ඇය පිළිබඳව ඇගේ පවුලේ සාමාජිකයින් අප සමග කියා සිටියේ ඇයට අවුරුදු එකසිය දොළහක් පමණ වන බව ය

මේ වන විට ඇගේ දරුවන් 17 දෙනාගෙන් පස් දෙනෙකුම මියගොස් ඇති බව කියන රංගිනාච්චිරේ මියගිය තම දරුවන් සිහිකරමින් කඳුළු සලන්නී ය අප්පු නයිදේ සහ කිරා නාච්චිරේ යන මව්පියන්ට දාව උත්පත්තිය ලබන රංගිනාච්චිරේ වයස අවුරුදු දාසයේ දී කළුඅප්පු නයිදේ සමග යුග දිවියක් අරඹන්නේ වාරියපොළ ප්‍රදේශයේය දරුවන් හදා වඩා ගනිමින්, ඔවුන් පෝෂණය කරමින්, පාරම්පරිකව ඔවුන්ට උරුම කුඹල් කර්මාන්තය රැකගැනීම තමන් සතු වගකීමක් සහ යුතුකමක් සේ මහත් කොට ඔවුහු සැලකූහ ඔවුන් පාරම්පරික කුඹල් කර්මාන්තයෙහි නිරත පරම්පරාවක් බවට සනාථ වූයේ, තවමත් ඇගේ දරුවන් වළං හදන බැවිනි

ඇගේ ස්වාමිපුරුෂයා වන, කළුඅප්පු නයිදේ තම පවුල වෙනුවෙන් ඉතාමත් කැපවීමෙන් කටයුතු කළ පුද්ගලයෙකු බවත්, රංගිනාච්චිරේ මෑණියන්ට දරුවන් බිහි කිරීමට සහ හදාවඩා ගැනීමට සුදුසු පරිසරයක් සකස් කිරීමට ඔහු මහත් කැපවීමකින් කටයුතු කළ පියෙකු බවත්, ඔවුන් ගේ වැඩිමහලු දරුවෝ අප සමග කියා සිටියහ අධ්‍යාපනය ලබන්නට එක දවසක්වත් පාසල් නොගිය රංගිනාච්චිරේ අම්මා දරුවන් බිහිකිරීම සහ හදාවඩා ගැනීම වෙනුවෙන්ම තම ජීවිතය කැප කළ අභීත කාන්තාවකි ,මුල් ම දරුවන් බිහිකිරීමට ඇය කිසිම රෝහලකට ඇතුළත්ව නැති අතර, ඒ සඳහා කාන්තාවක් නිවසට ආව ගිය බව රංගිනාච්චිරේ මව කීවාය

දරුවන් බිහි කරන දිනය ළඟා වූ පසු එම කාන්තාව නිවසෙහි නතරව සිටින බවට ද ඇය මතකය අවදි කළාය දරුවන් බිහි කිරීමේ දී වැඩි වේදනාවකට ලක් නොවුණු බව ද දරුවා බිහි කළාට පසුව මිරිස් හොද්දක් පානය කළ බව ඇය සඳහන් කළාය දරුවන් බිහිකිරීම​ට සහ හදා වඩා ගැනීමට මුල් තැනක් දුන් ඇය, සෑමවිටම ආගමික දේට නැඹුරුව කටයුතු කළාය එක දිගටම වසර 50ක් සිල් සමාදන්ව ඇති ඇය විනාඩි පහළොවක් පමණ කාලයක් ගාථා සජ්ඣායනා කළා ය ඇය කියා සිටියේ මතක තියෙන කාලෙක සිට මස් මාළු කිසිවක් ආහාරයට ගෙන නැති බවය නමුත් දරුවන් කුඩා කාලයේ දී සෑම දිනයක ම තම ස්වාමියා විසින් වැව් මාළු රැගෙන ආ බව ඇය සඳහන් කළා ය

ඇය මෙලොවට බිහිකළ දරුවන් 17න් අද වන විට ගැහැනු දරුවෝ 08ක් සහ පිරිමි දරුවෝ 4ක් ජීවතුන් අතර සිටිති ඔවුන් අතර, වැඩිමහල් දරුවා රවියෙල් ය දෙවෙනි දියණිය මියගොස්ය තෙවැන්නා ඩිංගිරි අම්මා (90), උක්කුඅම්මා (85), පොඩි අම්මා, මැණික්හාමි, සිලිහාමි, සිරිනේරිස් අබේරත්න, නෝනා, චුට්ටා ජීවතුන් අතර සිටිති දරුවන් කීපදෙනෙකු මියගොස් ඇති අතර ඔවුන්ගේ නම් නැවත උපන් දරුවන්ට තබා ඇත ඊට පසුව උපන් ඩිංගිරි අම්මා, උක්කුඅම්මා ජීවතුන් අතර සිටින වැඩිමල්ම දරුවන් ය ඔවුහු වයස අවුරුදු අට, නවය, වැනි කුඩාකල පටන් කුඹල් කර්මාන්තයේ නිරතව සිටිති අදටත් වළං හදන මේ දූවරු තම මව පිළිබඳව මෙසේ කියති

ඩිංගිරි අම්මා (90) : මට දැන් අවුරුදු 90 ගෙදර ගොඩාක් වැඩ පැවරුණේ මට මම පුංචි කාලෙ ඉඳලම තමයි වැඩ කරන්න ගත්තෙ මට බාල නංගිලා මල්ලිලා බලාගත්තෙත් මම ඒ දවස්වල අපේ තාත්තා අපිට වැඩ පැවරුවා අද මම හැමෝටම ඉව්වොත්, හෙට මම ළමයි බලාගන්න ඕනැ අනිද්දා වළං හදන්න ඕනැ ඉතින් මට ඉස්කෝලෙ යන්ඩ බැරි වුණා අම්මා ඉස්පිරිතාලේ බබාලා හම්බවෙන්න ගියාම ගෙදර ඉව්වෙ මම නංගිලා මල්ලිලා බලාගත්තෙත් මම අම්මාව ඉස්පිරිතාලෙ ඉඳන් එක්ක එන්න යන්නෙත් මම අම්මාට ආවතේව කළා බබාලා නෑවීමත් කළා හැමෝම ඉද්දි ලොකු අපි හැමදාම ගෙදර වැඩ කරන අතරතුර වළං හැදීමත් දිගටම කළා ඉස්සර වළං කරත්තයක් අරගෙන ගියාම සතියකට සැරයක් රුපියල් හැටක් තාත්තා අරගෙන එනවා ඒක අපි හැමෝටම කන්න ජීවත් වෙන්න ඇති

අපි පවුලේ පිරිස දහයක් දොළහක් විතර වෙනකොට ලොකු පිරිසකට උයන්ඩ සිද්ධ වුණා ඒ සඳහා අපේ තාත්තා ලොකු වළඳක් එයාගේ අතින්ම හැදුවා ඒකෙ හාල් සේරු පහක් විතර උයන්න පුළුවන් තාත්තා හැම වෙලේම කිව්වේ ගැහැනු දරුවන්ට හොඳට කන්න දෙන්න ඕනෑ කියලා ඒනිසා හොඳට කෑම බීම අපිට ගෙනත් දුන්නා වත්තෙ පිටියෙන් මොනවත් හොයලා උයනවාට තාත්තා කැමැති නෑ , ඒ වුණාට අපේ අම්මා වෑංජන ලොකුවට හදන්න ඕනෑ හින්දා කෙසෙල්බොඩ නියඹලාව හදනවා ඒක හොඳට අම්මා හැදුවා අම්මා වැඩපළ කළේ නෑ ළමයි බලනවා හැර වෙනත් වේලාවක් තිබුණා නම්, වැඩි පුර කාලයක් අම්මා හිටියෙ ඉස්පිරිතාලේ කලින් ගිහින් සතියක්, දෙකක් ඉන්නවා ඉතින් අපි තමයි වැඩ කළේ

උක්කු අම්මා (85) : අම්මා මගේ ළඟ තමයි දැන් ඉන්නේ මම තමයි අම්මට ආවතේව කරන්නේ ඒ වුණාට උදෙන්ම නැගිටලා, තවමත් තනියම මූණ හෝදලා, කොණ්ඩය පීරලා ඉඳගෙන ඉන්නවා මම කිරි එක දෙනකම් ඉස්සර අපි පුංචි කාලෙත් අපේ අම්මා වැඩ කළේ නෑ අපේ තාත්තා තමයි හැම දේම කළේ උයන දේ හොයලා බැලුවා අපවත් එකතු කරගෙන වළං හැදුවා කොහොම හරි අම්මා කොණ්ඩ කැවුම් නම් හැදුවා ඒක විතරයි අම්මට පුළුවන් අම්මට කෑම ජාති හදන්න වෙලාවක් තිබුණේ නැහැ මම ඉස්කෝලෙ ගියේ හෝඩියේ පංතියට විතරයි නංගිලා මල්ලිලා බලාගෙන, ගෙදර වැඩ කරගෙන හිටියා අවුරුදු 10 ඉඳන් මම තාම වළං හදනවා

රංගිනාච්චිරේ අම්මාගේ තවත් දියණියන් දෙදෙනකු පුත්තලමේ ජීවත් වන බව ද ඇය කීවාය අපි පොඩිඅම්මා නම් එක් දියණියක් සමග කතා කළෙමු අපෙ අක්කලා කසාද බැන්දෙ අවුරුදු 15න් 16න් ඉතින් හොඳම සිද්ධිය තමයි අක්කලා දෙන්නටයි, අම්මටයි එක වර ළමයි ලැබෙන්න ඉස්පිරිතාලෙ හිටියා ලොකු අක්කටයි, අම්මාටයි, එකම දවසෙ ළමයි හම්බ වුණා මට මතකයි අපේ අක්කලා දෙන්නා අපි බලාගත්තා ඇය කීවාය යහපත් කල් ක්‍රියාව, සරල පැවැත්ම, දරුවන් වෙනුවෙන් ඇය කළ කැප කිරීම අද සමාජයට ආදර්ශයක් සපයයි ලෝක කාන්තා දිනය නිමිත්තෙන් ඇයට නිරෝගි සුව පතමු

සටහන සහ ඡායාරූප :cකුරුණෑගල චාන්දනී දිසානායක

ගැට පොළඟාගේ ශාපය

නොනිදන නගරය පැත්තේ ඇති ගමක විසූ බණ්ඩාර මහතා රාජ්‍ය සේවයේ නියුතුව සිටියදී අක්කර එකහමාරක් පමණ වූ තම ගෙවත්තේ ඇති පොල් ගස් වලින් වැටෙන පොල් ගෙඩි එකතු කොට නිවාඩු පාඩු දිනවලදී ලෙලි ගසා පලා අව්වේ වියළා ගෙන කොප්පරා ලෙස විකිණීමට කටයුතු කළේය

එහෙත් කොප්පරා ලෙස අව්වේ වියළා ගැනීමේදී ඇතැම් අවස්ථාවලදී ඇදවැටෙන වැස්සෙන් බේරා ගැනීමට නොහැකිව හා රාත්‍රියේදී වැටෙන පින්නෙන්ද ​තෙත්වන විට පලන ලද පොල් පුස්කා දුර්වර්ණ වීම නිසා අලෙවි කිරීමේදී පවතින මිලට වඩා අඩු මුදලකට අලෙවි කිරීමට සිදුවේ එම නිසා පාඩුවක් විඳ දරා ගැනීමට සිදුවන නිසා සිතටද වද වේදනාවක් ගෙන දීමට හේතු වන්නේය

මේ සඳහා විකල්ප ක්‍රියාමාර්ගයක් ගැනීමට නොහැකි තත්ත්වයක් ඇතිවූයේ රාජ්‍ය සේවයේ යෙදී සිටින නිසා නිවාඩු පහසුකම අවමව තිබුණ නිසාය පසු කලකදී බණ්ඩාර මහතා රාජ්‍ය සේවයෙන් විශ්‍රාම ගිය පසු කොප්පරා ලෙස පොල් අව්වේ වියළා ගැනීමේදී ඇතිවන දුෂ්කරතා මග හරවා ගැනීම සඳහා කොප්පරා මැස්සක් සකස්කර ගැනීමට අදහස් කර ඒ සඳහා දැනුමක් ඇති හිතවතෙකුගේ උපදෙස් ලබා ගෙන ක්‍රියා කිරීමට අදහස් කළේය

ඒ අනුව දින කීපයකින් පසුව පොඩිවට මැස්සක්ද සකස් කර ඒ මත පලන ලද පොල් බෑ අතුරා ගිනි දැමීම සඳහා මැස්ස යටට පොල් ලෙලි ගෙනැවිත් දැමීමට කටයුතු කළේය
හා හා පුරා කියා ගිනි මැස්සේ පොල් වේළා ගැනීම සඳහා ගෙනැවිත් දමන ලද පොල් ලෙලි අතරින් අැදී යන ගැට පොළඟෙකි වහා මැස්ස යටින් ඉවතට පැන ගත් බණ්ඩාර මහතා ලීයක් ගෙන ගැට පොළඟාට ගැසූ නමුත් උෟ පොල් ලෙලි ගොඩ අතර සැඟවී ගියේය

පොල් ලෙලි ගොඩ එළියට ඇද දැමීමටද බියවූ බණ්ඩාර මහතා ගැට පොළඟා පිලිස්සී අළුවෙලා යාවියැයි සිතා පොල් ලෙලිවලට ගිනි දමා වෙනතකට ගියේය ටික වේලාවක් ගිය පසු පට පට ගා ශබ්දයක් කොප්පරා මැස්ස පැත්තෙන් ඇසෙන්නට විය බණ්ඩාර මහතාට මැස්සේ කොප්පරා වේළා අත්දැකීමක් නොතිබුණ නිසා ඔහු සිතා සිටියේ පොල් බෑ වේළෙන විට නැගෙන ශබ්දයක් ද යන්න කියාය එහෙත් ස්වල්ප මොහොතකින් කොප්පරා ගෙයි වහලින්ද ගිනි පිටවෙනු දැක වහා පැමිණ වතුර ගසා බොහොම අමාරුවෙන් ගින්න නිවා දැමීමට කටයුතු කළේය

අනතුරුව අසල තිබුණ පොල් ගසකට ​හේත්තුවී සිදුවූ දේ ගැන කල්පනාවකට වැටණන බණ්ඩාර මහතාට සිතුණේ පණ පිටින් ගින්නට හසුව දැවී අළුවූ ගැට පොළඟාගේ ශාපය තමන් වෙත ලැබුණ නිසාදෝ කියාය

සායින්දමරුදු නිවස අසල නිවාසවලට පන්දහසේ නෝට්ටු විසිකරලා

සායින්දමරුදු බොලිවේරියන් සුනාමි නිවාස සංකීර්ණයේ සිදු වූ බෝම්බ පිපිරීම හා වෙඩි ප‍්‍රහාර සම්බන්ධයෙන් එම ප‍්‍රදේශයේ ජනතාව පොලිසියට දැනුම් දීම නිසා ආරක්‍ෂක අංශවලට වැටලීම් සිදුකිරීමට හැකි වූ 04 පිටුවට

අතර මෙහිදී බෝම්බකරුවන් පොලිසිය පැමිණෙනවාත් සමගම රු 5000 යේ නෝට්ටු අසල නිවාසවලට විසිකර ‘උඹලා වෙනුවෙන් අපි සටන් කරන්නේ අපිව පාවා දෙනවා’’ දැයි කෑ ගසා ඇත

නින්දවුර් ප‍්‍රදේශයේ රැුඳී සිටි මොවුන් එම ප‍්‍රදේශ වැටලීමත් සමග එහි සිට පලා විත් සායින්දමරුදු මෙම නිවසට පැමිණ ඇත එවිට දහ පහළොස්දෙනෙකු පමණ මෙහි පැමිණීම ගැන සැක සිතූ ප‍්‍රදේශවාසීන් මේ පිළිබඳව එම ප‍්‍රදේශයේ පොලිස් නිලධාරියකුට හා ග‍්‍රාම සේවා නිලධාරියකුට පවසා ඇත එවිට එම පොලිස් නිලධාරියා හා ග‍්‍රාම නිලධාරි ඇතුළු කණ්ඩායම එම නිවසට ගිය අවස්ථාවේ එහි සිටි පුද්ගලයකු පොලිස් නිලධාරියා වෙත වෙඩි ප‍්‍රහාර එල්ල කර ඇත එම වෙඩිප‍්‍රහාර ඔහුට වැදී නැති අතර ඔහු එයින් බේරී පසුව පොලිසියට සිද්ධිය දැනුම් දී ඇත එවිට එම නිවසේ සිටියවුන් රු 5000 නෝට්ටු පාරේ විසිකරමින් ‘‘අපි උඹලා වෙනුවෙන් සටන් කරන්නේ අපිව පාවා දෙනවාදැ’’යි කියා කෑ ගසා ඇත

ඉන් පසු රාත‍්‍රි 700 ට පමණ ආරක්‍ෂක හමුදාව පැමිණ නිවස වැටලූ අවස්ථාවේදී ආරක්‍ෂක හමුදාවට ද වෙඩි ප‍්‍රහාර එල්ල කර ඇති අතර නිවස තුළ සිටියවුන් බෝම්බ පුපුරුවාගෙන ඇත නිවසින් පිට සිට හමුදාවට වෙඩි ප‍්‍රහාර එල්ල කළ පුද්ගලයා හමුදාවේ වෙඩි ප‍්‍රහාරවලින් මියගිය අතර ඔහු ළඟ තිබී ටී 56 ගිනි අවියක් ද සොයා ගනු ලැබීය මෙම ගිනි අවිය පසුගියදා වවුනතිව් පොලිස් පුරපළේ රාජකාරියේ යෙදී සිටියදී මරා දැමූ පොලිස් නිලධාරියාගේ ගිනි අවිය බවට හෙළි වී ඇත

කල්මුණේ – ආර් ශ‍්‍රීවේල්රාජා

සහරාන්ගේ දෙවැනි හීනය

පාස්කු ඉරිදා රටම ලේ විලක් කර අන්තවාදී සහරාන් ඇතුඵ පිරිසේ ඉතිරි සහචරයින් තවත් මහා විනාශයක් කරන්නට සැරසෙන්නට වුහ ඒ වෙනුවෙන් මෙම පාස්කු ඉරිදා ප‍්‍රහාරකයින් කලක සිට දෙවන ප‍්‍රහාරයටද සැලසුම් සකස් කරන්නට වුහ ඒ අනුව මෙම ත‍්‍රස්තවාදීහු දෙවැනි ප‍්‍රහාරය සදහා අම්පාර සමන්තුරය සහ නින්දවුර් ආදී ප‍්‍රදේශවලින් නිවාස 04ක් කුළියට සහ මුදලට මිලදී ගන්නට වුහ ඔවූහු ඒවා ආරක්ෂක නිවාස වශයෙන් තබා ගෙන දෙවැනි ප‍්‍රහාරයකට සැලසුම් සකස් කරන්නට වූහ පාස්කු 21 වැනිදා ප‍්‍රහාරයෙන් මෙම ජාතික තව්හිද් ජමාත් නායක හෂිම් සහරාන් මියගිය නිසා මේ වන විට දෙවැනි ප‍්‍රහාරයේ වගකීම පැවරී තිබූ සහරාන්ගේ සොහයුරන් දෙදෙනා වූ මොහමඞ් කාසි රිල්වාන් සහ මොහමඞ් කාසි මොහමඞ් ෂයිනි නැමති අයටය

ඒ වන විටත් සහරාන්ගේ පසු නායකත්වයට පත්වූ නව්පුර මවුලවි බුද්ධි අංශ නිලධාරීන් විසින් අත්අඩංගුවට ගන්නා ලදී ඒ නිසා මෙම පිරිස අම්පාර ආරක්ෂ නිවාසවල සිට දෙවන ප‍්‍රහාරයට මරාගන මැරෙන බෝම්බ සකස් කරනන්ට වූහ ඒ වෙනුවෙන් අවශ්‍ය දැනුම කෙසේ හෝ මෙම අන්තවාදී පිරිස හොදහැටි ලබා ගෙන තිබුණු අතර ඒ සදහා අදාළ පොත් ද භාවිතා කරන්නට වූහ කඩි ගුලක් සේ කඩිසරව ආරක්ෂ අංශ ඒ වන විටත් පරීක්ෂණ කටයුතු නිසි ලෙස කරමින් අන්තවාදීන් සොයා මෙහෙයුම් දියත් කරන්නට වූහ මෙම පිරිස ද ගැන ඉව අල්ලමින් සිටි රාජ්‍ය බුද්ධි අංශ නිලධරීන්ට ඉතා විශ්වාසදායක ආකාරයෙන් තොරතුරක් ලැබෙන්නට විය ඉන් කියැවුණේ අන්තවාදීන්ගේ ආරක්ෂිත නිවාස 04ක් පිළිබදවය

ඒ අනුව 26 වැනිදා උදෑසන රාජ්‍ය බුද්ධි අංශයට ලැබුණු තොරතුර මත පොලිසිය විශේෂ කාර්ය බළකාය යුද හමුදාව සහ එක්ව මේ වෙනුවෙන් පරීක්ෂණ කටයුතු ආරම්භ කරන්නට වූහ ඒ අනුව 26 වැනිදා උදෑසන අඞ්ඩාලච්න ප‍්‍රදේශයේ මෙම අන්තවාදීන්ගේ තිප්පොළ වටලන්නට ආරක්ෂක අංශ කටයුතු කරන්නට වූහ එහිදී බෝම්බ සෑදීමේදී රත්වීම වැළැක්වීම සදහා යොදා ගන්නා අධි ශිීතකරණ සහ ෂයිනිගේ තොරතුරු සහිත ලිපි ලේ්ඛන වගයක සොයා ගන්නට ආරක්ෂක අංශවලට හැකි විණි

ඒ අනුව රාජ්‍ය බුද්ධි අංශ නිලධාරීහු ආරක්ෂක අංශ දෙවන නිවාසය පරීක්ෂා කරනන්ට සූදානම් වූහ ඒ අනුව සමන්තුරේ සෙන්ගල් ගම්මානයේ මිලිනි අඩි පවුස් මාවතේ අංක 170/ 01 නිවෙසට යන ලදී දෙමහල් නිවෙසක් වූ එහි කඩ කාමරයක මීට දින කිහිපයකට ඉහතදී මසකට රුපියල් පන් දහස බැගිින් මාස දෙකකට රුපියල් දස දහසක් මෙම නිවෙසියන්ට දී මෙම කඩ කාමරය අන්තවාදීන් කුළියට ගෙන තිබුණි

මොහොතකින් එම කඩ කාමරය පරීක්ෂා කරන්නට විය එම කඩ කාමරයේ තිබූ දෙයින් ආරක්ෂක අංශ නිලධාරීහු විමතියට පත්වූහ අන්තවාදී සහරාන්ගේ නඩය සිය දෙවැනි ප‍්‍රහාරය සකස් කරමින් පවත්වාගෙන ගිය බෝම්බ නිෂ්්පාදනාගාරයක් එම කාමරයේ තිබිණි ඒ වන විටත් රාජ්‍ය බුද්ධි අංශයේ නිලධාරීන්ගේ මෙම විශිෂ්ට සොයා ගැනීම නිසා විශේෂ කාර්ය බළකායේ කලාප භාර අනදෙන නිලධාරී අතුල රත්නායක මහතාගේ මෙහෙයවීමෙන් විශේෂ කාර්ය බළකා භට පිරිස් ද, යුද හමුදාවේ නැගෙනහිර ආඥාපති අරුණ ජයසේකර මහතාගේ මග පෙන්වීමන් 24 සේනාංකාධිපති ෙ ම්ජර් ජනරාල් මහින්ද මුදලිගලේ මහතා ද පැමිණෙන්ට වූහ අම්පාර සහ මඩකලපව භාර නියෝජ්‍ය පොලිස්පති අයේෂ කරුණාසිංහ මහතාගේ මෙහයවීමෙන් කොට්ඨාස භාර පොලිස් අධිකාරී සාමන්ත විජේසේකර සහ කල්මුන භාර පොලිස් අධිකාරී පිි‍්‍රයදර්ශන හේරත් ඇතුඵ ආරක්ෂක අංශ නිලධාරීහු ද මෙම මෙහයුමට එක්ව සිටියහ

එම ස්ථානයේ තිබී බයිසිකල් බෝල ලක්ෂයක්, ඩෙටනේටර්‘ 30ක්, ජෙල්ට්නයිට් කූරු 180ක්, වෝටර් ජේල් 180ක්, ඇමෝනියා කිලෝ 250ක්, සල්පියුරික් ඇසිඞ් ලිටර් 20 කෑන් 04ක්, නයිටි‍්‍රක් ඇසිඞ් ලිීටර් 20 කෑන් 04ක්, සී ෆෝ පුපරන ද්‍රව්‍ය කිලෝ 02ක්, හදුනා නොගත් පුපුරන ද්‍රව්‍ය කිලෝ 5ක් පමණ ද හමු විණි

එයට අමතරව බෝම්බ පිපිරීමට ගන්නා ටයිමර් කිහිපයක්, බෝම්බ පිපිරීමට ගන්නා ස්විචයන් 11ක්, ඩෝන කැමරා, ලැප්ටොප්, මුහුණ ආවරණය කරන උපකරන ඇතුඵ බොහෝ උපකරණ රැසක් සොයා ගන්නා ලදී මේවා සියල්ලම බෝම්බ නිෂ්පාදනය සදහා යොදා ගන්නා උපකරණය ඒ අතර මෙම පිරිස 21 වැනිදා මරාගෙන මැරෙන ප‍්‍රහාර එල්ල කිරීමට පෙර මාධ්‍යට එක්කළ වීඩියෝ දර්ශනයේ ඇද සිටි ඇදුමට සමාන ඇදුමක් සහ ඒ අවස්ථාවේ පිටුපස තිබුණු බැනරයට සමාන බැනරයක් ද සොයා ගැනුණි

ඉන් පසු නැවතත් ආරක්ෂක අංශ මෙම අන්තවාදින්ගේ නින්දවූර් පිහිටි 3 වන ආරක්ෂක නිවාස සොයා මෙහෙයුම දියත් කරන්නට වූූහ ඒ වන විටත් ඊට මොහොතකට පෙර එහි සිටි පිරිස එම නිවෙසෙන් ගිය සලකුණු එහි දක්්නට ලැබුණි ඒ වන විට වේලාව සවස 4ට පමණ විය එහිදී නිවාස පරීක්ෂා කිරීමේ එම නිවස ද බෝම්බ නිෂ්පාදනාගාරයක් ලෙස සකසා බෝම්බ සකස් කරමින් තිබුණි ඒ වන විට බෝම්බ සකස් කිරීමට සුදානම් කළ කොටස් එහි තිබුණි අවශ්‍ය ද්‍රව්‍ය දමා පලවන තට්ටුව සකස් කර ඒ මත යකඩ බෝල දමා ගම් දමා ඉන් පසුව රසායනික ද්‍රව්‍ය දැමීමට සකස් කළ කොටස් සහ සී ෆෝ වර්ගයේ පුපුරන ද්‍රව්‍ය කිලෝ 04ක්, බෝම්බ පුපුරුවා ගැනීමට යොදා ගන්නා ටයිමර් 10ක්, බෝම්බ පිපිරීමට යොදා ගන්නා ස්විච් 19ක්, සල්පියුරික් ඇසිඞ්, හයිඩි‍්‍රක් ඇෂිඞ් සහ මෙම බෝම්බ සෑදීමට යොදා ගන්නා බොහෝ දේ සොයා ගන්නා ලදී තව ද බෝම්බ සැදීමේදී රත්වූ විට එම කොටස් සීතල කිරීම සදහා යොදා ගන්නා අධි ශීිතකරණ ද එහි තිබුණි

ඒ් වන විට 04 වැනි නිවාස සමන්තුරයේ තිබෙන බව රාජ්‍ය බුද්ධි නිලධාරීන්ට තොරතුරු ලැබී තිබුණි ඒ වෙනුවෙන් සමන්තුරය වොල්වොල් ප‍්‍රදේශයේ එම නිවාසය සොයා යෑම බුද්ධි අංශ සහ ආරක්ෂක අංශ නිලධාරීන්ගේ අදහස වන්නට විය

ඒ අතර වාරයේ මෙම නින්දවුර් නිවෙසින් පිටත්ව ගිය ත‍්‍රස්තවාදීහු සයින්දමරුදු වොලිවෝර නිවසට වාහනයකින් ගියහ මෙම නිවස ඔවුන් දින කිහිපයකට පෙර මිලදී ගෙන තිබුණි ඒ අවස්ථාවේ මෙම පිරිස වාහනයෙන් බසිද්දී ඒ අවට සිටි මුස්ලිම් ජනතාව මොවුන් පිළිබද විමසිලිමත්් වූහ

‘‘ඔයාලා කවුද’’ අසද්දී එක වරම ටී 56 අවියක් පෙන්වූ අයෙක් ‘‘උඹලාට මොනටද ඒක උඹලත් මුස්්ලිම්නේ අපිට උදව් කරපල්ලා’’ යැයි බැන වදින්නට වූහ මෙම සැකකාර පිරිස පිළිිබදව ඒ ආසන්නයේ රාජකාරියේ නිරත වුණ පොලිස් නිලධාරියකුට අසල්වාසි පිරිස පවසන්නට වූහ ඒ සැනින් එම පොලිස් නිලධාරියා එම ස්ථානයට යතුරුපැදියකින් එන විට සැකකාර පිරිස වෙඩි කිහිපයක් තබන්නට වූහ ඒ සැනින් එම ස්ථානයෙන් පිටත්ව ගිය පොලිස් නිලධාරියා පොලිස් විශේෂ කාර්ය බළකායට සහ ආරක්ෂක අංශවලට සහ ඉහළ පොලිස් නිලධාරීන්ට මේ පිළිබදව දැනුම් දෙන්නට විය

මේ වන විටත් සයින්දමරුදු වොලිවොල් ප‍්‍රදේශයේ නිවෙස සොයා බුද්ධි අංශ නිලධාරීහු සහ ආරක්ෂක අංශ එන්නට සූදානම් වෙමින් සිටියහ මෙම පිිරිසට ද මෙම සැකකාර පිරිස පිළිබදව තොරතුර ලැබුණි එහෙනම් ඒ මෙම ස්ථානයේ සිට මොහොතකට පෙර පිටත්ව ගොස් ඇති අන්තවාදී පිරිස බවට ඔවුහු අනුමාන කර එම ස්ථානයට පිටත්ව ගියහ

යුද හමුදාව, පොලිස් විශේෂ කාර්ය බළකාය, පොලිසිය ඇතුඵ ආරක්ෂක අංශ නිලධාරීහු සහ රාජ්‍ය බුද්ධි අංශ නිලධාරීහු එම ප‍්‍රදේශයට ගියහ සවස 7 ට පමණ යුද හමුදාව සහ විශේෂ කාර්ය බළකාය ඒ වෙඩි තැබූ නිවස දෙසට යද්දී එක් වරම එම නිවස දෙසින් විශාල පිපිරීමක් ඇති වුණි ඉන්පසු ආරක්ෂක අංශ නිලධාරීන් සිටි දෙසට වෙඩි පහර එල්ල විය ආරක්ෂක අංශ නිලධාරීහු ද ප‍්‍රති ප‍්‍රහාර එල් කරන්නට වූහ නැවත්ත 7 15ට පමණ එම නිවෙස් දෙසින් තවත් පිපිරීමක් ඇති වුණි ඒ අතර ද විටින් විට නිවෙස දෙසින් වෙඩි පහරවල් එල්ල විය නැවතත් රාත‍්‍රි 8 ආසන්න වන විට තවත් පිපිරීමක් එම නිවෙස දෙසින් ඇසෙන්නට විය ඒ අතර වාරයේ විටින් විට ආරක්ෂක අංශ දෙසට වෙඩි පහරවල් එල්ලවෙද්දී ආරක්ෂක අංශ ද එයට ප‍්‍රති ප‍්‍රහාර එල්ල කරනන්ට වූහ රාති‍්‍ර 12 ආසන්න වන තෙක් මෙම වෙඩි හුවමාරුව පැවතුණි පසුව ත‍්‍රස්තවාදීන්ගේ ප‍්‍රහාර නැවතුණි අවන්ධකාරයේ සැගව සිටි ත‍්‍රස්තවාදින්ගේ ප‍්‍රහාර අවසන් බව ආරකෂක අංශවලට අවබෝධ විණි මෙම වෙඩි තැබීම නිසා තිදෙනකු මිය ගොස් ඇති බව ආරකෂක අංශවලට පෙනෙන්නට වුණි බෝම්බ පුපුරුවා ගැනීමෙන් එම ස්ථානයේ මිය ගිය 13 දෙනකුගේ සිරුරු සුන් බවට පත්ව තිබුණි

මෙම පිරිස බෝම්බ පුපුරුවා ගැනීමට මොහොතක පෙර වීඩියෝ දර්ශනයක් නිකුක් කරමින් තව මෙහොතකින් මිය යන බවත් දෙවියන් වෙනුවෙන් ස්වර්ගයට යන බවත් එම ස්ථානයේ සිටි පිරිස ගැනත් තොරතුරු දක්වා තිබේ

ඒ අනුව මෙම පිපිරීම නිසා සහරාන්ගේ මව, පියා සහ සහරන්ගේ සහෝදරයාවූ රිල්වාන් බිරිදත්, ෂයිනි සහ ඔහුගේ බිරිද සහ දරුවන් ද 21 වැනිදා මරාගෙන මැරෙන ප‍්‍රහාරයට එක්වූ මඩකලපුව බෝම්බකරු වූ මොහමඞ් නසාර් මොහමඞ් අසාර්ගේ බිරිදත්, මීගමුව පිපිරීමේ බෝම්බකරු කස්තුන්ගේ බිරිද සහ තවත් මරාගෙන මැරෙන බෝම්බකරුවකුගේ බිරිදත් සමගින් මොහමඞ් නියාස් නමැත්තකු ද මිය ගොස් ඇති බව ආරක්ෂක අංශ විශ්වාස කරයි

මෙම මොහමඞ් නියාස් නැමැත්තා මෙම නිවස මිලදී ගැනීම් සහ කුළියට ගැනීම් ද අවශ්‍ය වාහන මිලදී ගැනීම ද සිදු කර තිබේ ඒ සදහා මැද පෙරදිග අන්තවාදී සංවිධානවල පිරිස අවශ්‍ය මුදල් දැඩිසේ ලබාදී ඇත

වැනාදා උදෑසන ආරක්ෂක අංශ එම ස්ථානයට ගොස් පරීක්ෂා කිරීම් කරද්දී බෝම්බ ප‍්‍රහාරයෙන් තුවාල ලැබූ කාන්තාවක් සහ කුඩා දැරියක් හමුව තිබේ ආරක්ෂක අංශ නිලධාරීහු හැකි ඉක්මනින් ඔවුන් අම්පාර රෝහලට යවා අවශ්‍ය ප‍්‍රතිකාර ලබා දී තිබේ මෙසේ මෙම බෝම්බයෙන් දිවි ගලවා ගෙන ඇත්තේ ජාතික තව්හිද් සංවිධානයේ නායක සහරාන්ගේ බිරිද වන අබ්දුල් කාදර් පාතිමා කාදල් පාතිමා සහ ඇයගේ සිව් හැවිරිදි දියණිය බවත් මේවන විට බුද්ධි අංශ හදුනාගෙන ඇත සිිය ගණක ජීවිත හානි කර ත‍්‍රස්තවාදි නායකයාගේ බිරිද සහ දියණියගේ දිවි ගලවා ගෙන ඇත්තේ ආරක්ෂක අංශවල තියෙන මහතමා ගතිය සහ විනය ගරුකභාවය නිසාවෙනි

‘‘තාත්තා අපිව මරන්න හැදුවත්, මිනිස්සු ගොඩක් මැරුවත් අපිව ආරක්ෂක අංශවල මාමාලා බේරා ගත්තා’’ යනුවෙන් ඇය කෙදින හෝ පවසනු ඇත මෙම බෝම්බ පිපිරීම සහ වෙඩි ප‍්‍රහාර නිසා පරිමි 04 දෙනකු, කාන්තාවන් 06 දෙනකු සහ දරුවන් 06දෙනකු සමගින් 16 දෙනකු මිය ගොස් තිබේ මෙම බෝම්බ නිෂ්පාදගාරවලින් අඩුම තරමින් පෙර පිපිරීමට වඩා දෙතුන් ගුණයකින් හානි සිදුවීමට ඉඩ තිබුණි බෝම්බ අඩුම තරමින් 50කට ආසන්න ප‍්‍රමාණයක් නිපදවන්නට හැකිය ඒ අනුව රාජ්‍ය බුද්ධි නිලධාරීන්ගේ සහ ආරක්ෂක අංශ නිලධාරින්ගේ දක්ෂකමින් සහරාන්ගේ දෙවන සිහිනය බිද වැටුණි

හිමාල අඩවියේ සැරිසන අමනුස්ස ආත්ම

හොල්මන් අවතාර ආදී අමනුස්ස බලවේග ගැන කියද්දී, සිහියට නැගෙන්නේ මූසල සොහොන් පිට්ටනි, ගරාවැටුණු නිවාස, නටබුන් මාලිගා, අඳුරු ගුප්ත වනාන්තර, පාළු මාර්ග ආදියයි හොල්මන් අවතාර ඇත්තක් වුණත්, සිතලුවක් වුණත් හොල්මන් අවතාර සම්බන්ධයෙන් පවතින සාමාන්‍ය අදහස එයයි එසේ වී ඇත්තේ පොතපතින්, රූපවාහිනියෙන් සහ චිත්‍රපටවලින් හොල්මන් අවතාර සම්බන්ධයෙන් අපේ සිතට කාවද්දා ඇති චිත්තරූප අනුවය හොල්මන් අවතාර ගැන විස්මිත කතාන්දර හිමාල අඩවියෙන් ද වාර්තා වෙයි මේ සටහනට පාදක වන්නේ ලේඛක බ්‍රෙට් ස්වැන්සර් විසින්, හිමාල අඩවියේ හොල්මන් අවතාර සහ අමනුස්ස ආත්ම සම්බන්ධයෙන් සැකැසූ විශේෂාංගයකි

ලෝකයේ උසින් වැඩිම ශිඛර දහයෙන් නවයක්ම පිහිටා ඇත්තේ හිමාල අඩවියේය කවුරුත් හොඳින් දන්නා ලොව උසම ශිඛරය ‘එවරස්ට්’ පමණක් නොව, තරණය කිරීමට අසීරු යැයි පැවැසෙන ‘කේ 2’ මහා ශිඛරය ද පිහිටා ඇත්තේ හිමාලයේය

හොල්මන් අවතාර කෙසේ වෙතත්, හිමාල අඩවිය සම්බන්ධයෙන් පවතින නොවිසඳුණු අබිරහස්වලින් එකක් වන්නේ ‘යෙටී’ ය මිනිසකුට සමාන යෝධ වානරයකු ලෙස සැලකෙන යෙටී නමැති ගුප්ත මානව වානරයාගේ නිජබිම හිමාල අඩවියයි ප්‍රමාණයෙන් විශාල පා සලකුණු, ලොම් ගුලි, හිරිගඬු පිපෙන කෑමොරදීම් හැර, යෙටී සම්බන්ධයෙන් මෙතෙක් කිසිදු පැහැදිලි සාක්ෂියක් ලැබී නැත ඇමෙරිකාවේ බිග්ෆුට්, කැනඩාවේ සැස්කොච් ආදී ගුප්ත මානව වානරයන්ගේ ඥාතියකු ලෙස ද යෙටී සැලකෙන බව ගුප්ත සත්වවේදීහු පෙන්වා දෙති කෙසේ නමුත් යෙටීගේ අබිරහස පරයමින්, හිමාල අඩවියෙන් වාර්තා වන හොල්මන් අවතාර පිළිබඳ ඇඟ කිළිපොළා යන වාර්තා සැබැවින්ම විස්මිතය ඒවා හුදෙක් ‘කතාන්දර’ ද නැතිනම් යම් කිසි සත්‍යයක් සැඟවී ඇති ද යන්න තීරණය කිරීම පාඨක ඔබ කළ යුතුය

හිමෙන් වැසී ගොස් ඇති කඳු ශිඛර, තියුණු බෑවුම් සහ ගල් ගොඩැලිවලින් පිරුණු හිමාල අඩවියේ ඇත්තේ සීතල මූසල වටපිටාවකි හිමාල අඩවිය හුදෙකලා ගුප්ත තැනකි එහෙයින්, හිමාල අඩවිය තම නිවහන කර ගනිමින් ජීවත් වන ‘ෂර්පා’ නමැති නේපාල සහ ටිබෙට් ගෝත්‍රික වැසියන්, ඔවුන්ගේ ජනකතා සහ මිත්‍යා කතා අතරට දෙවිවරුන් සහ අමනුස්සයන් එක් කර ගැනීම අරුමයක් නොවෙයි ෂර්පාවරුන්ගේ විශ්වාසය, හිමාල අඩවියේ මියැදෙන ඕනෑ කෙනකුගේ අවසන් කටයුතු නිසි පිළිවෙත් අනුව, සම්පූර්ණ කළ යුතු බවය

මියයන අය නිසි ලෙස භූමදානය නොකළොත්, මියයන අයගේ ආත්මවලට සැනසීමක් උදාවන්නේ නැත ඒ ආත්ම හිමාල අඩවිය පුරා සැරිසරන්න පටන් ගනී

මේ අමනුස්ස ආත්ම ජීවත්වන සෙසු අයට අනතුරකි ෂර්පාවරුන්ට අනුව, නපුරු ආත්ම රැසක් හිමාල අඩවියේ සැරිසරන අතර, ෂර්පාවරුන් නිවසින් එළියට බසින්නේ, එවැනි නපුරු ආත්මයක් හමුනොවේවා යැයි ප්‍රාර්ථනා කරමිනි ගොම්මන් වෙලාවට ෂර්පාවරුන් නිවෙස්වලින් පිටතට පය තබන්නේ නැති තරම්ය හිමාල අඩවියට පැමිණ එවරස්ට් සහ කේ 2 යන ශිඛර තරණය කිරීමට යන බොහෝ දෙනා ආපසු එන්නේ නැත ඔවුහු බිහිසුණු ප්‍රචණ්ඩ හිම කුණාටු සහ අධික සීතලට බිලිවෙති එසේත් නැතිනම් පය ලිස්සා වැටෙති

හිම කඳු නායයෑම්වලට ලක්වී හිම තට්ටු අතරේ වැළළෙති එසේ මියයන බොහෝ දෙනාගේ සිරුරු යළි හමුවන්නේ ද නැත සිරුරු සොයා යෑම ද අසීරුය මළසිරුරු සදාකල් හිම තට්ටු සහ අයිස් තට්ටු අතරේ නොදිරා පවතී මියයන අය නිසි ලෙස භූමදානය හෝ ආදාහනය කිරීමක් සිදුවන්නේ ද නැත එහෙයින් ඔවුන්ගේ ආත්ම හිමාල අඩවියේ හොල්මන් කරන බවට සිතුවිල්ලක් පහළ වීම අරුමයක් ද නොවෙයි

කඳු තරණයට පැමිණෙන්නන්ට විටින් විට හිම තට්ටු අතරේ සිරවුණු මෙම මළසිරුරු හමුවෙයි මෙවැනි මළසිරුරු බොහොමයක් හමුවී ඇත්තේ එවරස්ට් ශිඛරයේ ඊසාන දෙසින් පිහිටා ඇති නිම්නය ආශ්‍රිතව යැයි පැවැසෙයි මළසිරුරු දකින්න ලැබෙන්නේ ඔවුන් ඇඳ සිටින දීප්තිමත් හිම කබායන් සහ සීතලට පොරවා ගත් ඇඳුම්වලිනි එහෙයින් සිරුරු නොයෙක් නොයෙක් වර්ණයන්ගෙන් යුක්තය සොහොන් පිට්ටනියක් වූ මේ විශාල නිම්නය ‘දේදුනු නිම්නය’ යනුවෙන් ද හැඳින්වෙන්නේ එහෙයිනි

කඳු තරණයට පැමිණෙන ගවේෂණ කණ්ඩායම්වලට හමුවන මෙවැනි මළසිරුරුවලට කළ හැකි දෙයක් නැත ෂර්පාවරුන්ට එසේ මළ සිරුරක් හමුවුවහොත් ඔවුන් හැකි සෑමවිටම එය භූමදානය කිරීමට කටයුතු කරති ඒ, අතරමං වී සැරිසරන ආත්මවලට ශාන්තියක් උදාකරදීමේ අරමුණින්ය
2004 වසරේ දී, පෙම්බා දොර්ජී නමැති ෂර්පා, එවරස්ට් ශිඛරය තරණය කරමින් සිටියේය මුදුනට ළං වෙද්දී, හිමේ විසිරී ගිය මළසිරුරු සමූහයක් ඔහුට දකින්න ලැබුණි කඳු තරණයේදී ආරක්ෂාවට යොදන රැහැන්වලින් මියගිය පිරිස එකිනෙකා සමඟ සම්බන්ධ වී සිටි බව දොර්ජිට දකින්න ලැබුණි කන්ද නගිමින් සිටිද්දී එක් අයකු හෝ දෙන්නකු පහළට ලිස්සා වැටී ඇති අතර, රැහැනින් සම්බන්ධ වූ බැවින්, සියල්ලෝම පහළට වැටී මරණයට පත් වී ඇති බව දොර්ජීට පැහැදිලි විය දොර්ජී පහත් වී, මළසිරුරු පරීක්ෂා කරද්දී, හිටිහැටියේ කවුරුන් හෝ තමා වට කරගත්තා යැයි හැඟීමක් දැනෙන්නට විය

හිස ඔසවා බලද්දී, මුහුණු නැති අඳුරු කළු පැහැති රූප තමන් වට කරගෙන සිටින බව දොර්ජීට පෙනිණ ‘උදව් කරන්නැයි, කෑමට යමක් දෙන්නැයි’ ඉල්ලමින් ඒ කළු පැහැති රූප, දොර්ජීට කන්නලව් කරන්න විය

මහත් සේ බියට පත් වුණු දොර්ජී එම අවතාරවලින් බේරී, එතැනින් පිටවී ඇත දොර්ජීගේ අදහස නම්, ඔහුට දකින්න ලැබුණේ මියගොස් සිටි කඳු නගින්නන් කණ්ඩායමේ සාමාජිකයන් බවය හිමාල අඩවියේ දකින්න ලැබෙනවා යැයි පැවැසෙන සෑම ආත්මයක්ම, අවතාරයක්ම නපුරු නොවෙයි ඇතැම් අවතාර දර්ශනය වන්නේ උදව් ඉල්ලමිනි ඇතැම් අවතාර උදව් ලබා දීමට පැමිණෙයි හිමාල අඩවියේ විපතට පත් වී අතරමං වන අයට මඟපෙන්වන්නන් ලෙස කටයුතු කරති

1975 වසරේ, එවරස්ට් තරණයට ආ බ්‍රිතාන්‍ය කඳු නගින්නන් දෙපළක් වන ඩූගල් හැස්ටන් සහ ඩග් ස්කොට් අතරමගදී ප්‍රචණ්ඩ හිම කුණාටුවකට මැදි වූහ ගෙනා ආහාර පාන අඩු විය කුණාටුවෙන් බේරීමට තැනක් නොවිණි ජීවිත අවදානමක් පැවැති බැවින් දෙදෙනා හිමේ වළක් හාරා ඒ තුළට රිංගුවේ ආරක්ෂා වීමටය අධික සීතලෙන් සහ දැඩි කුසගින්නෙන් ඩූගල් සහ ඩග් පීඩාවට පත් වී සිටියහ

හිම කුණාටුව පිටත මරළතෝනි දෙමින් හමා යද්දී, හිටිහැටියේ තමන් අතර තවත් කෙනකු සිටින බව ඩූගල් සහ ඩග් දෙදෙනාට දකින්න ලැබුණි ඒ කෙනා ද කඳු නගින්නකු සේ සැරසී සිටියේය කුණාටුවෙන් බේරී යන්නේ කෙසේදැයි මේ තෙවැනි තැනැත්තා ඩූගල් සහ ඩග්ට උපදෙස් දුන්නේ යැයි පැවැසෙයි

මේ ආකාරයේ අත්දැකීමකට ජෝ සිම්ප්සොන් නමැති කඳු නගින්නා ද මුහුණ දුන්නේය තමාගේ ඒ ත්‍රාසජනක මෙන්ම අපූරු අත්දැකීම පාදක කර ගනිමින්, ජෝ ‘ටචින් ද වොයිඩ්’ යන නමින් පොතක් ලියුවේය කෙසේ නමුත් ජෝ සිම්ප්සොන් මෙම අත්දැකීමට මුහුණ දුන්නේ හිමාල අඩවියේ දී නොවෙයි ඇමෙරිකාවේ ඇන්ඩීස් කඳුකරයේදීය මරණය අභියසට ගොස් ආපසු ඒමට තමන් සමත් වුණු බව ජෝ සිම්ප්සොන් පවසයි

ඉන්දියාව බ්‍රිතාන්‍ය යටත් විජිතයක් වී පැවැති අවදියේ, එනම් 1966 වසරේදී, පන්ජාබ් රෙජිමේන්තුව, සීනෝ ඉන්දීය (ඉන්දු චීන) දේශසීමාවේ නතුල්ලා දුර්ගයේ රාජකාරි සඳහා යෙදවිණි පන්ජාබ් රෙජිමේන්තුවේ සිටි එක් ශික් සෙබළකු වූයේ හර්බජාන් සිං ය 1968 වසරේ ඔක්තෝබර් 4 වැනි දා, අවශ්‍ය බඩුබාහිරාදිය, කොටළුවකු පිට පටවා ගෙන කඳු බෑවුම් අතරින් යද්දී, හර්බජාන් සිං ට අකරතැබ්බක් සිදුවිය පය ලිස්සා හර්බජාන් සිං අඩි ගණනාවක් පහළින් ගලා ගිය දිය පහරකට ඇදවැටුණේය

සැඩ පහර සමඟ ගසාගෙන ගිය හර්බජාන් සිං යළි දකින්න ලැබුණේ නැත හමුදා සොල්දාදුවන් එක් වී දින ගණනාවක් හර්බජාන් සිං සොයන්න වූ නමුත් ඔහුගේ සිරුර හමුනොවිණි අසාර්ථක උත්සාහයකින් පසු සිරුර සෙවීම අතහැර දැමුණි ඉන්පසු දිනක් දෙකක් ගත වෙද්දී, හර්බජාන් සිංගේ හමුදා කණ්ඩායමේ සගයන්ට රෑ හර්බජාන් සිං පෙනෙන්න විය එය සිහිනයක් ද එසේත් නැතිනම්, හර්බජාන් සිං ගැන සිත් තැවුලෙන් සිටි නිසා ඔහුගේ සගයන්ගේ සිතේ මැවුණු සිතුවිල්ලක් ද නොදනී කෙසේ නමුත් හමුදා සගයන් හැමෝටම දකින්න ලැබී ඇත්තේ එකම සිහිනයක් බව පැහැදිලි විය

අවතාරයක් විලසින් ආ හර්බජාන් සිං හමුදා සගයන්ට පවසා ඇත්තේ, තමාගේ මළසිරුර ඇති ස්ථානයයි තමන් සැමදා සොල්දාදුවකු ලෙස සිටින බවත්, සදාකල් නතුල්ලා දුර්ගයේ මුර සංචාරයේ යෙදෙන බවත් හර්බජාන් සිං ගේ අවතාරය පවසා ඇත එය සිහිනයක් යැයි සිතා සොල්දාදු සගයන් ඔවුන්ට දකින්න ලැබුණු දේ බැහැර කරන්න උත්සාහ කළ නමුත්, හැමෝටම පෙනුණේ එකම සිහිනයක් බැවින් කවුරුත් ඒ ගැන උනන්දුවක් දක්වන්නට වූහ

ඒ අනුව, සිහිනෙන් ආ හර්බජාන් සිංගේ අවතාරය විස්තර කළ ආකාරයට, සිරුර සෙවීම ආරම්භ විය අවතාරය පැවැසූ ආකාරයට, හරියටම අදාළ ස්ථානයේ තිබී මළසිරුර හමුවිය හමුදා සොල්දාදුවන් එක් වී, එය නිසි ලෙස භූමදානය කෙරුණේ හමුදා ගෞරව ද සමඟය ඉන් දින කිහිපයක් ගතවෙද්දී, ගොම්මන් වෙලාවේ, අසුපිට නැගී දුර්ගයේ සැරිසරන හමුදා සොල්දාදුවකු දකින්න ලැබී ඇත ඇසිපිය ගසන සැණින් මේ අසරුවා අතුරුදන් වෙයි වෙනත් තැනක යළි දකින්න ලැබේ බ්‍රිතාන්‍ය, ඉන්දීය සොල්දාදුවන් පමණක් නොව, දේශසීමාවේ අනෙක් පැත්තේ චීන සොල්දාදුවන් පවා මේ අබිරහස් අසරු සොල්දාදුවා දැක ඇත හිටිහැටියේ දිස්වන අසරුවා හිටිහැටියේම අතුරුදන් වෙයි ඉන්දීය සොල්දාදුවන්ගේ විශ්වාසය, මේ අසරුවා හර්බජාන් සිං ගේ ආත්මය කියාය හොල්මන් අසරුවාට, ගිරි දුර්ග අතරින් යෑමට පමණක් නොවෙයි, විදුලි වේගයෙන් එක් තැනක සිට තවත් තැනකින් මතුවීමටත් හැකියාව ඇත එපමණක් නොවෙයි, හොල්මන් අසරුවා සිහිනෙන් සිය සොල්දාදු සගයන් වෙත පැමිණ, සටන් කළ යුතු ආකාරය සම්බන්ධයෙන් සහ සතුරු සොල්දාදුවන්ට පහර දීම් කළ යුතු ආකාරය සම්බන්ධයෙන් හමුදාමය උපදෙස් ලබා දුන් බව ද පැවැසෙයි පහර දෙන්නැයි දුන් උපදෙස් සියයට සියයක් නිවැරදි වූ බව ඉන්දීය හමුදා සොල්දාදුවන් පවසා ඇත

හර්බජාන් සිංගේ අවතාරය ගැන ප්‍රසිද්ධියට පත් වෙද්දී, නතුල්ලා දුර්ගයේ රාජකාරි සඳහා පැමිණෙන ඉන්දීය හමුදා සොල්දාදුවන්ගේ ගෞරවය නිරන්තරයෙන් හර්බජාන් සිංගේ අවතාරය වෙත ලැබුණි ඒ අනුව, හර්බජාන් සිංගේ අවතාරය වෙනුවෙන් පුද පූජා පැවැත්වීම කුඩා නිවහනක් ඉදි කෙරුණි මේ නිවස කාමර තුනකින් සමන්විතය එක් කාමරයක් හර්බජාන් සිංගේ අවතාරය වෙනුවෙන් වෙන් කෙරුණු අතර, එහි සුදු ඇඳ ඇතිරිල්ලක් දමා සකස් කළ ඇඳක් විය හර්බජාන් සිංගේ හමුදා නිල ඇඳුම කාමරයේ එල්ලා තැබුණේ, නිවසට ගොඩවැදී යෑමට පැමිණෙන සැමට දැකිය හැකි අයුරිනි

මෙම පූජනීය ස්ථානය බලා කියා ගැනීමට කිහිප දෙනකු ද යෙදවිණි ඔවුන් පවසන්නේ හැමදාම උදෑසන බලද්දී, හර්බජාන් සිංගේ අවතාරය වෙනුවෙන් වෙන් කළ කාමරයේ ඇති ඇඳේ ඇඳ ඇතිරිලි අවුල් වී ඇති බවත්, කවුරුන් හෝ ඇඳේ වැතිරී සිටි බවක් පෙනෙන්න ඇති බවත්ය ඒත් ඔවුන්ට කිසිවකු දකින්න ලැබී නැත ඇඳ ඇතිලිරි පමණක් නොව, කාමරයේ එල්ලා තිබූ නිල ඇඳුම සහ බූට් සපත්තු ද කවුරුන් හෝ කෙනෙකු පාවිච්චි කළ බවක් ද විටින් විට දකින්න ලැබුණු බව පැවසෙයි එහෙත්, එසේ කළ කෙනකු ඇත්තේ ද නැත

බ්‍රිතාන්‍ය ජාතික කඳු නගින්නියක වූ ජූලි ටුලිස් සම්බන්ධ කතාව ද ඛේදවාචකයකි ජූලි ටුලිස් කඳු නගින්නියක ලෙස ප්‍රසිද්ධියට පත් වුණු අයෙකි කේ 2 ශිඛරය තරණය කිරීමට ගත් උත්සාහය අසාර්ථක වීමෙන් ජූලි ටුලිස් 1986 දී මියගියාය තද සීතලට හසුවීමෙන්, ජූලිගේ සිරුර භාගයක් පණ නැති විය දෙපා වාරු නැතිව ඇය ඇදවැටීමෙන් සිදුවුණු තුවාල මාරක විය එවරස්ට් ශිඛරය සහ කේ 2 ශිඛරය තරණය කරන කඳු නගින්නන්ගේ පහසුව වෙනුවෙන්, ඉහළට යද්දී කඳුවුරු කිහිපයක් පිහිටුවනු ලැබේ අවශ්‍ය පහසුකම්, ආහාරපාන, ප්‍රථමාධාර ආදිය මෙම කඳවුරුවලදී ලැබෙයි

කන්ද පාමුල ප්‍රධාන කඳවුර හැඳින්වෙන්නේ ‘බේස් කෑම්ප්’ යනුවෙනි ඉහළට යද්දී ‘කෑම්ප් 1,2,3,4’ ආදිය වශයෙන් කඳවුරු නම් කෙරේ ජූලි ටුලිස් සහ ඇගේ ගවේෂණ කණ්ඩායම අවාසනාවන්ත ලෙස මියගියේ කේ 2 කඳු මුදුනට නුදුරින් ඇති ‘කෑම්ප් 4’ කඳවුර ආසන්නයේදීය ජූලි ටුලිස් හෝ ඇගේ කණ්ඩායමේ කිසිවකුගේ සිරුරු හමු නොවිණි 1992 වසරේ කේ 2 ශිඛරය නැගීමට ගිය ඇමෙරිකානු සහ බ්‍රිතාන්‍ය ජාතිකයන් කණ්ඩායමක් ශිඛරය පාමුල පිහිටි ප්‍රධාන කඳවුරේ රැඳී සිටිද්දී, හිම කුණාටුවක් හමා යන්න විය ඔවුන්ගේ රේඩියෝ පණිවුඩ හුවමාරුවට උදව් ඉල්ලා සුදු ජාතික කාන්තාවක කළ ඉල්ලීමක් ඇසෙන්නට විය ඒ, හඬ බ්‍රිතාන්‍ය ජාතික කාන්තාවකගේය ඇය මෙසේ පවසා ඇත ‘උදව් කරන්න අපට උදව් ඕනෑ අපි ඉන්නේ කෑම්ප් 4 ආසන්නයේ කවුරු හරි අපට උදව් කරන්න’ මේ හඬ ජූලි ටුලිස්ගේ යැයි විශ්වාස කෙරේ 1992 වසරේ ‘කෑම්ප් 4’ නමින් කඳවුරක් පිහිටුවා තිබී නැති බව ද පැවසෙයි

ලුසිත ජයමාන්න
අන්තර්ජාලය ඇසුරිනි