ක්‍රිකට් පිටියේ ඉන්දියානු ආමි තොප්පියට පාකිස්තාය දැඩි ලෙස කැළඹෙයි

ඕස්ට්‍රේලියාව සමඟ පැවැති තෙවැනි එක්දින තරගයේදී ඉන්දියානු ක්‍රිකට් ක්‍රීඩකයන් ආමි හිස් වැසුම් පැළඳ ක්‍රීඩා කිරීම කාගෙත් අවධානයට ලක්වුණා. නමුත් ක්‍රිකට් ක්‍රීඩාවේදී එවැනි දේවල් සිදුනොවිය යුතු බවට පාකිස්තානය විසින් ජාත්‍යන්තර ක්‍රිකට් කවුන්සිලය දැනුවත් කර තිබෙනවා. ඉන්දියාව සහ පාකිස්තානය අතර පවතින දේශ සීමා අරගලය හේතුවෙන් ඔවුන් වසර කිහිපයක සිට විරසකව සිටියි. පසුගියදා ඉන්දියානු හමුදා භටයින්ට මරු කැඳවමින් එල්ල වූ ප්‍රහාරය හේතුවෙන් ඔවුන්ට ගරු කිරීමක් වශයෙන් ආමි හිස් වැසුම් පැළඳ ක්‍රීඩා කිරීමට ඉන්දියානු ක්‍රිකට් ආයතනය තීරණය කළා. “ක්‍රිකට් ක්‍රීඩාවට දේශපාලන කාරණය යොදා නොගත යුතුයි. අපි තරයේ ප්‍රතික්ෂේප කරනවා ඒ සිද්ධිය. මේ සිද්ධියෙන් ඉන්දියානු ක්‍රිකට් ක්‍රීඩාව නරක අතට හැරී ඇති බවට අපි විශ්වාස කරනවා” යැයි පාකිස්තාන් ක්‍රිකට් සභාපතිවරයා පවසනවා.

ශ්‍රී ලංකා පිතිකරුවන්ට පීඩනයෙන් ගැලවෙන්න බැරි වෙයි

සංචාරක ශ්‍රී ලංකා කණ්ඩායම සමග පැවති දෙවන එක්දින තරගයෙන් ලකුණු 113ක ජයක් ලබාගැනීමට දකුණු අප්‍රිකා කණ්ඩායම සමත්වුනා. තරගය පැවැත්වුනේ සෙන්චූරියන් හී සුපර් ස්පෝර්ට්ස් පාක් ක්‍රීඩාංගණයේදී.තරගයේ කාසියේ වාසිය දිනාගත් ලසිත් මාලිංග පන්දු යැවීම තෝරා ගත්තා.දකුණු අප්‍රිකාව වෙනුවෙන් සාර්ථක ආරම්භයක් ලබා ගත් ක්වින්ටන් ඩිකොක් සහ රීසා හෙන්රික්ස් පළමු කඩුල්ලට ගොඩනැගූ සබඳතාව ලකුණු 91ක්.ක්වින්ටන් ඩිකොක් පන්දු 70 කින් ලකුණු 94ක් ලබා ගත්තා.නායක ෆැෆ් ඩුප්ලේසී ලකුණු 57යි.දකුණු අප්‍රිකාව වරෙක කඩුලු 4ක් පමණක් දැවී ලකුණු 220 ක් ලබාගෙන ප්‍රබල ස්ථානයක පසුවුණා.නමුත් ශ්‍රී ලංකා කණ්ඩායම නැවත තරගයට පිවිසුනේ ලකුණු 31ක් තුළ ඔවුන්ගේ අවසන් කඩුලු 6ම දවා ගනිමින්.මේ අනුව පන්දුවාර 45යි එක් පන්දුවක් අවසානයේ දකුණු අප්‍රිකා ඉනිම ලකුණු 251 කට සීමා වුණා.සිය 150වන එක්දින තරගයට ක්‍රීඩා කරන තිසර පෙරේරා කඩුලු 3ක් දවා ගත්තා.ලකුණු 252ක ජයග්‍රාහී ඉලක්කයක් හඹාගිය ශ්‍රී ලංකා කණ්ඩායමට පන්දුවාර 32යි පන්දු2 ක් අවසානයේ සියලුදෙනා දැවී ලබාගැනීමට හැකිවුයේ ලකුණු 138ක් පමණයි.ඕෂධ ප්‍රනාන්දු ලකුණු 31 ක්, කුසල් මෙන්ඩිස් ලකුණු 24 ක් සහ තිසර පෙරේරා ලකුණු 23 ක් ලබාගත්තා.කගිසෝ රබාඩා ශ්‍රී ලංකා කණ්ඩායමේ කඩුලු 3ක් බිඳහෙලුවා.සංචාරක ශ්‍රී ලංකා කණ්ඩායම සහ දකුණු අප්‍රිකාව අතර තුන්වන එක්දින ක්‍රිකට් තරගය ලබන ඉරිදා ඩර්බන්හිදී පැවැත්වීමට නියමිතයි.

ලෝක කුසලාන ඉලක්කයට සැරසෙන ශ‍්‍රී ලංකාව හෙට දකුණු අප‍්‍රිකාවේදී එක්දින සටන අරඹයි

ටෙස්ට් ක‍්‍රිකට් තරගාවලියේ ජයග‍්‍රහණයත් සමග යහපත් මානසිකත්වයකින් පසුවන ශ‍්‍රී ලංකා කණ්ඩායම දකුණු අප‍්‍රිකාව සමග පැවැත්වෙන තරග පහකින් සමන්විත එක්දින ක‍්‍රිකට් තරගාවලියේ පළමු තරගයට හෙට (03 දා* ජොහැනස්බර්ග් හිදී සහභාගි වේ. ජොහැනස්බර්ග් වොන්ඩ‍්‍රස් ක‍්‍රීඩාංගණයේදී ශ‍්‍රී ලංකාව සහභාගි වී ඇති තරග අටකදී ජය ලබා ඇත්තේ දෙවතාවකදී පමණි. හය වතාවක් පරාජයට පත්ව තිබේ. සත්කාරක දකුණු අප‍්‍රිකානුවන් මෙම ක‍්‍රීඩාංගණයේදී 73.52% ක ජයග‍්‍රාහී ප‍්‍රතිශතයක් වාර්තා කරගෙන ඇති අතර එහිදී ඔවුන් සහභාගි වූ තරග 34 කින් 25 ක් ජය ගෙන තිබේ. දෙරට මෙතෙක් මුණ ගැසුණ තරග 71 අතරතුරදී දකුණු අප‍්‍රිකානුවන් තරග 38 ක් සහ ශ‍්‍රී ලංකාව තරග 31 ක් වශයෙන් ජයගෙන තිබේ. ශ‍්‍රී ලංකාව සහ දකුණු අප‍්‍රිකාව අතර මෙතෙක් පැවැති එක්දින තරගාවලි නවයකින් ශ‍්‍රී ලංකාව තරගාවලි දෙකක් පමණක් ජය ගෙන තිබේ. දකුණු අප‍්‍රිකාව තරගාවලි හයක් ජය ගනිද්දී එක් තරගාවලියක් පමණක් විසඳුමකින් තොරව නිමා වී තිබේ. කෙසේ වෙතත් 2013 වසරෙන් පසුව ශ‍්‍රී ලංකාව වසර පහක් පුරා දකුණු අප‍්‍රිකානුවන්ට එරෙහිව එක්දින තරගාවලියක් ජයග‍්‍රහණය කිරීමට අපොහොසත් වී තිබේ. තරගාවලිය ආරම්භ වීමට පෙර පැවැති පුහුණු තරගයේදී හොඳින් පදම්වූ ශ‍්‍රී ලංකා කණ්ඩායම ලකුණු 307 ක ජයග‍්‍රාහී ඉලක්කය ඉතා පහසුවෙන්ම ලබා ගැනීමත් සමග එක් දින තරගාවලියේ ජයග‍්‍රාහී බලාපොරොත්තු දල්වා ගැනීමට ශ‍්‍රී ලංකා ක‍්‍රීඩා ලෝලීන්ට ද හැකි විය. ක‍්‍රීඩකයන් ද යහපත් මනසකින් සන්නද්ධව සිටින බව එම තරග ජයග‍්‍රහණයෙන් පෙනී යන අතර හෙට තරගයේදී තවදුරටත් ජයග‍්‍රාහී මාවතේ ගමන් කිරීමට ශ‍්‍රී ලංකා පිල උත්සුක වුවහොත් එය ලෝක කුසලාන සදහා යහපත් ආරම්භයක් වනු ඇත.

ලසිත් මාලිංග නායකයා ලෙස කණ්ඩායමට ලබාදෙන දායකත්වය අනුව ඔහුට ලෝක කුසලාන නායකත්වයද ස්ථිර වන අතර සෙසු ක‍්‍රීඩකයන් බහුතරයක්ද මෙම තරගාවලියෙන් පසුව ලෝක කුසලානට නම් කිරීමට ශ‍්‍රී ලංකා ක‍්‍රිකට් තේරීම් කමිටුව සූදානමින් සිටියි. වත්මන් කණ්ඩායමේ තරුණ සහ ජ්‍යෙෂ්ඨ ක‍්‍රීඩකයන්ගේ සංකලනයකින් යුක්ත වීම සත්කාරක දකුණු අප‍්‍රිකානුවන්ට වද දෙන කරුණක් බවට පත්ව තිබේ. පසුගිය කාලයේ එක දිකට එක්දින තරගාවලි වැලක් ශ‍්‍රී ලංකාව පරාජය වුවද දකුණු අප‍්‍රිකාවේදී මීට පෙර 2017 වසරේදී ශ‍්‍රී ලංකාව 5-0 කින් එක්දින තරගාවලියක් පරාජය වී තිබේ. නමුත් එදා සිටි ක‍්‍රීඩකයන් බහුතරයක් වත්මන් කණ්ඩායම් දෙකේම නොසිටින අතර ශ‍්‍රී ලංකා පිල හිස ඔසවමින් සිටින බවට ඔවුන් මෙවර දකුණු අප‍්‍රිකානු සංචාරයේදී කදිමට පිළිබිඹු කර පෙන්වීය. ශ‍්‍රී ලංකාව මේ වන විට ජාත්‍යන්තර එක්දින ශ්‍රේණිගත කිරීම්වල ප‍්‍රසාද ලකුණු 78 ක් ලබා අට වැනි ස්ථානයේ පසුවන අතර දකුණු අප‍්‍රිකානුවන් අදාළ ලැයිස්තුවේ සිව්වැනි තැන පසුවේ. ඔවුන් ප‍්‍රසාද ලකුණු 111 ක් ලබා තිබේ. ශ‍්‍රී ලංකාව මෙම තරගාවලියේදී තරග දෙකක් ජය ගත්තද ප‍්‍රසාද ලකුණු සංඛාව 80 දක්වා ඉහළට යනු ඇත. දකුණු අප‍්‍රිකාව තරගාවලිය 5-0 කින් ජය ගතහොත් පමණක් ඔවුන්ට එක්දින ශ්‍රේණියේ තෙවැනි තැනට පත්වීමේ හැකියාව තිබේ. ශ‍්‍රී ලංකා කණ්ඩායමේ නවක ක‍්‍රීඩකයන් වන අවිශ්ක ප‍්‍රනාන්දු පුහුණු තරගයේදී පන්දු 46 කදී හයේ පහර තුනක් සහ හතරේ පහර නවයක් සමග ලකුණු 72 ක් වාර්තා කිරීමත් සමග ඔහු හෙට තරගයේදී ආරම්භක පිතිකරුවා වශයෙන් කටයුතු කරනු ඇත. දකුණු අප‍්‍රිකානු සංචිතයේ ප‍්‍රධානතම තුරුම්පුවක් වන හසීම් අම්ලා තරගාවලියෙන් ඉවත් කර ඇති අතර වේග පන්දු යවන ලූන්ගි එන්ගිඩි කණ්ඩායමට එක්ව තිබේ.

ශ‍්‍රී ලංකා සංචිතය – ලසිත් මාලිංග (නායක*, උපුල් තරංග, නිරෝෂන් දික්වැල්ල, කුසල් පෙරේරා, කුසල් මෙන්ඩිස්, ධනංජය ද සිල්වා, අකිල ධනංජය, ඕෂධ ප‍්‍රනාන්දු, විශ්ව ප‍්‍රනාන්දු, ඇන්ජලෝ පෙරේරා, තිසර පෙරේරා, ප‍්‍රියමාල් පෙරේරා, කසුන් රාජිත, ලක්ෂාන් සඳකැන්, ඉසුරු උදාන,

දකුණු අප‍්‍රිකානු සංචිතය – ෆෆ් ඩූ ප්ලෙසිස් (නායක*, ක්යින්ටන් ඞී කොක්, රීසා හෙන්ඩි‍්‍රක්ස්, ඉම්රාන් තහීර්, ඬේවිඞ් මිලර්, වියන් මුල්ඩර්, ලූන්ගි නිගිඩි, ඇන්රිච් නොට්ජි, අන්ඩිල් පෙලූක්වායෝ, ඞ්වයින් ප්‍රෙටෝරියස්, කාගිෂෝ රබාඩා, තබ්රිස් ෂම්සි, ඬේල් ස්ටේන්, රාසි ඩුසන්