සෝවියට් සංගමයේ ලෙනින්ග්‍රාඞ් හි දී 1952 වසරේ ඔක්තෝබර් 07 වැනිදා උපන් ව්ලැඩිමීර් ව්ලැඩිමිරීච් පුටින් 2012 වසරේ මැයි 07 වැනිදා සිට රුසියාවේ ජනාධිපතිවරයා ලෙසින් රට පාලනය කරමින් සිටින්නේ සුවිශේෂී වූ ජනවරමකිනි. ඊට පෙර එනම් 2000 සිට 2008 දක්වා ජනාධිපතිවරයා ලෙසින් සේවය කළ හෙතෙම, ඉන්පසුව 1999 සිට 2000 සහ නැවතත් 2008 සිට 2012 දක්වා රුසියාවේ අග්‍රාමාත්‍යවරයා ලෙසින් සේවය කළේය අග්‍රාමාත්‍යවරයා ලෙසින් සේවය කළ අවසන් ධුරකාලය තුළදී, යුනයිටඞ් රසියා දේශපාලන පක්ෂයේ සභාපති ලෙසින්ද හෙතෙම කටයුතු කළේය

ජනාධිපති ව්ලැදිමීර් පුටින්ට ආණ්ඩුක්‍රම ව්‍යවස්ථාවේ සංශෝධන කිරීමට ඉඩ ලබාදෙමින් තමා ඇතුළු ආණ්ඩුව ඉල්ලා අස්වන බව රුසියානු අග්‍රාමාත්‍ය දිමිත්‍රි මෙද්වදෙව් ඊයේ (15) ප්‍රකාශ කළේය ශක්තිමත් ජනාධිපති ධුරයක් පවත්වාගෙන යන අතරම පාර්ලිමේන්තුවට වැඩි බලතල ලබාදීම සඳහා ආණ්ඩුක්‍රම ව්‍යවස්ථාව සංශෝධනය කළ යුතු බව ජනාධිපති ව්ලැදිමීර් පුටින් ප්‍රකාශ කොට පැය කිහිපයක් ගත වෙද්දි තමන් ඇතුළු ආණ්ඩුව ඉල්ලා අස්වන බව රුසියානු අග්‍රාමාත්‍ය දිමිත්‍රි මෙද්වදෙව් පැවැසීය ආණ්ඩුක්‍රම ව්‍යවස්ථාව සංශෝධන කිරීම සඳහා ජනමත විමසුමක් පැවැත්විය යුතු යැයි ද රුසියානු ජනාධිපතිවරයා පාර්ලිමේන්තුව අමතමින් කීවේය රුසියානු ආණ්ඩුක්‍රම ව්‍යවස්ථාවට අනුව එරට ජනාධිපතිවරයා වාර්ෂිකව පාර්ලිමේන්තුව අමතා කතා කළ යුතුය. එහිදි ඒ වනවිට රුසියාවේ තත්ත්වය පාර්ලිමේන්තුවට දැනුම් දිය යුතුය. මේ වසරේ වාර්ෂික කතාව කරමින් රුසියානු ජනාධිපති පුටින් ඉහත කරුණු සඳහන් කළේය නව ආණ්ඩුක්‍රම ව්‍යවස්ථා සංශෝධන අනුව ජනාධිපතිවරයාගේ සිට පාර්ලිමේන්තුවට බලය මාරු වන බවත් රුසියාවට නව අග්‍රාමාත්‍යවරයකු පත්වන බවත් දැනගන්නට ලැබේ.

රුසියානු ජනාධිපති ව්ලැදිමීර් පුටින් සමීපයේ සිටිමින් තමන් සහ ආණ්ඩුව ඉල්ලා අස්වන බව අග්‍රාමාත්‍ය මෙද්වදෙව් නිවේදනය කළ අතර එය ඊයේ සජීවීව විකාශය කෙරුණි මෙද්වදෙව් රුසියානු ආරක්ෂක කවුන්සිලයේ නියෝජ්‍ය ප්‍රධානී තනතුරට පත්වනු ඇතැයි ද ජනාධිපති පුටින් කීවේය. එහි සභාපති ධුරය හොබවන්නේ පුටින්ය නව ආණ්ඩුවක් පත් කරන තුරු අඛණ්ඩව රාජකාරී කටයුතු කරගෙන යන ලෙසද ජනාධිපති පුටින් ඉල්ලා අස්වන ආණ්ඩුවෙන් ඉල්ලා සිටියේය රුසියානු ආණ්ඩුක්‍රම ව්‍යවස්ථාවේ දැනට පවතින ප්‍රතිපාදන අනුව ජනාධිපතිවරයකුට එකවර අඛණ්ඩව දැරිය හැක්කේ ධුර කාල දෙකක පමණි ජනාධිපති පුටින් වර්තමානයේදී ජනාධිපති ධුරය දරන්නේ සිවුවැනි වරටය ඒ අනුව ඔහු අඛණ්ඩව ධුර කාල දෙක බැගින් දෙවතාවක් ජනාධිපති ධුරය හොබවා ඇත පුටින් 2000 වසරේ සිට 2008 වසර දක්වා අඛණ්ඩව ධුර කාල දෙකක් ජනාධිපති ධුරය හෙබ වූ අතර 2012 වසරේදී තෙවැනි වරට ජනාධිපති ධුරයට පත්විය. ඔහු 2018 වසරේදී සිවුවැනි වරට ජනාධිපති ධුරයට පත්විය අඛණ්ඩව ධුර කාල දෙකකට වඩා ජනාධිපති ධුරය දැරීමට නොහැකි නිසා හෙතෙම 2008 වසරේ සිට 2012 වසර දක්වා රුසියාවේ අග්‍රාමාත්‍ය ධුරය හෙබවීය හර්ෂණ තුෂාර සිල්වා (ඒ.එෆ්.පී/රොයිටර්ස්)